قصيدة ياطميش

[دلوعه]

يـاطـمـيـش / قـصـيـدة واحـد مـنـسـم


هذا واحد من الشعراء كتب قصيدة وأرسلها
لولد عمه طميش

- * - * - * - * - * - * -


يـاطـمـيـش مـاودّك نـحـرّر فـلـسـطـيـن

ونـثـيـر فـي قـلـب الـيـهـود الـجـزاعـه


نـسـطـي عـلـيـهـم مـع قـروم ٍ شـيـاهـيـن

ونـدّبـهـم دبّـة سـنـه بـنـص سـاعـه

ونـجـز روس مـلـفـقـّيـن الـعـنـاويـن

الأرض صـارت فـي يـديـهـم بـضـاعـه

ونـوجّـه الـحـمـلـة عـلى سـور بـرلـيـن

ونـطـبّـق أنـواع الـقـتـل والـبـشـاعـه

ونـحـتـّل رومـا وانـتـعـدى الـمـحـيـطـيـن

ونـعـيّـش الـغـرب بـعـذاب ومـجـاعـه

وإن كـان فـيـنـا نـفـس حـيّـه ونـشـيـطـيـن

وفـيـنـا عـلـى مـاقـيـل بـعـض الـشـجـاعـة

نـأخـذ لـنـا صـولـه عـلـى الـهـنـد والـصـيـن

ونـهدم لـهـم سـور ٍ كـبـيـر ارتـفـاعـه

وأحـكـم أنـا وأقـوم أحـط الـقـوانـيـن

مـاغـيـر تـسـمـع قـول سـمـع ٍ وطـاعـة

أعـدم مـلايـيـن وأعـتـق مـلايـيـن

وأنـوّخ الـكـوكـب بـفـن وبـراعـه

الـفـيـلـم خـلّـص وانـتـهـنّ الـمـضـامـيـن

نـار ٍ طـفـت يـافـلان قـبـل انـدلاعـه

حـنّـا عـرب مـافـيـه شـك ٍ مـسـاكـيـن

نـصـنـع شـمـوخ ٍ بـالـسـوالـف صـنـاعـه

فـيـنـا الـولـد لاقـال يـحـكـم سـلاطـيـن

لـسـانه أطـول لاحـكـى مـن ذراعـه

تـبـي الـصـراحـة عـاد . مـامـن فـلـسـطـيـن

خـلـنـي أقـيّـل يـاولـد نـص سـاعـه

[أبوباسم]

خـلـنـي أقـيّـل يـاولـد نـص سـاعـه

والله الصراحه الشعر وايد حلو
وتسلمين على النقل وياهلا فيك بينا في المنتدى العزيزه
ونتريا جديدك

[شارقتي]

السلام عليكم ورحمة الله وبركاته

هههههه


ما شاء الله عليه شجااااع


يزاج الله خير اختي على القصيده الحلوه

[صياد الخليج]

السلام عليكم ورحمة الله وبركاته

هههههههههههههههه

ما شاء الله عليه الشعر

مشكوره اختي على الموضوع